Saturday 27 July 2013

My day in the Maldives: July 27, 2010

On this day 3 years ago, on July 27, 2010, I cried in public, standing on the road, outside the Maldives Police Headquarters tearing pouring uncontrollably.

I had gone to the Police to report the Judicial Service Commission, sitting at work on a public holiday, in a hastily called, irregular, unlawful sitting, putting the final stamp on a long drawn conspiracy to hijack the Judiciary. It was, I now have good reason to believe, the first major takeover in the coup that brought down legitimate government with the forced resignation of the first democratically elected President, Mohamed Nasheed, on Feb 7, 2012.

The Government was on holiday, Police Station on holiday mode, and there was no one available to hear my complaint. The junior officers at the counter tried calling superiors but it appeared they had all been busy with the Independence Day, the day before, and were “off”. There was none to speak.

I told the Officers on duty that the Judicial Service Commission was sitting, at work, that given two hours, they'll bring down the State, and walked out. They stood there, in silence. 

I had tried all other avenues before, and had tried to reach President Nasheed through his Office. The President was out of reach, out of Male’ on official ceremony with the Maldives National Defence Forces, on their territory, outside Male’, where he was Commander in Chief with the MNDF, without his presidential aides.

I was helpless to stop it, and I was convinced the State was collapsing. The Judicial Service Commission was at that moment sitting, colluding, to reappoint Gayoom’s judges enmasse,
and approving name by name, without check or inquiry. No one else in the country appeared to know what was going on. The media found it all too fantastic. It appeared a Hollywood script, unreal, to be taken seriously.

I stood outside the Police Headquarters, frantic, tears streaming down my face from behind my big black sunglasses, trying to think what next, when Colonel Zubair who came out of the MNDF Headquarters saw me standing outside the Police Headquarters alone, came up to me. 

He saw me crying as I couldn’t stop the tears though I pretended I wasn’t crying. The tears just started, and it poured more as I spoke. I couldn't stop it. I explained my predicament to Zubair, who called up a police chief, and I spoke to the chief, who explained to me…

To cut short, it was explained to me they understood my case but the Police could not act to prevent the Judicial Service Commission from breaching the Constitution, acting against the State, hijacking the Courts, or robbing the People of the Independent Judiciary guaranteed by the Constitution. These were the crimes I was reporting in my non-legal mind.

I walked back slowly to Maanel, my haven, where I ran to breathe when JSC stifled me, and where I went to vent and collect myself before running back when JSC taunted, threatened and attacked as it often happened there those days, in 2010. JSC was just down the street.

I left the documents I’d taken out from JSC that morning safe, and telling Wimla and Huchen what was going on, I left Maanel and walked back to JSC with only a water bottle, my phone and the JSC keycard. I was on my way to my first ever protest, having only been an observer, a reporter, in the years when protesting had begun in the Maldives.

All along, I had been calling up media and contacts, telling people of what was going on, and there was some public activity. A small crowd was already gathered outside the JSC when I went back.

Earlier I had gone there that morning at 10am to find the Speaker, Abdulla Shahid, sitting in his place in the Commission, on the right hand of Commission Chair interim Supreme Court Justice Mujthaaz Fahmy, ready to complete the elaborate process of pretence at executing Constitution Article 285 JSC had dragged on. Till then, I had kept hope Abdulla Shahid was outside the matter, and despite all evidence to the contrary had kept my trust in him, and appealed to him, to bring an end to this awful charade that was bound to kill the Constitution. I knew, Abdulla Shahid understood Constitution and democratic principles and standards like no other…..

I had appealed to the Commission not to go ahead with treason, and being ignored as it is done in the JSC when it is not to the liking of the Chair, had removed the documents in my folder and left the room. I went to the Police. 

Seeing Shahid, I had realized that this was far bigger a conspiracy than I had wanted to believe.

Back again, I protested inside the conference hall where JSC continued with its treason despite my live commentary heard live via my phone which I’d put on the speaker after calling up a protester outside. Outside, they had a loudspeaker on the phone. I protested inside till early evening when it finally ended for the way, in what appeared to be a conciliatory act by JSC, heeding to the public protests outside.

By then there were MPs and a few lawyers speaking on media, and media was covering the protests outside JSC.

The people protested. And they pretended they heard. After the protesters left, they returned the next day, and quietly carried out the crimes that haunt us today.

I stayed away on July 28, 2010 having informed the Commission that I would not be participating in any unconstitutional sittings or activities in the JSC. 

It was Sheikh Shuaib Abdul Rahman, member appointed to the JSC from the Public by the Majlis, who protested on July 27, 2010, against JSC's breach of trust. 

Sheikh Shuaib walked out in protest of JSC approving Criminal Court Abdulla Mohamed when JSC had evidence Abdulla Mohamed did not possess the qualifications of a judge required under Islamic Sharia’.  Sheikh Shuaib then spoke to media and informed the public of what had happened  in JSC that day, July 27, 2010.

I spoke with J.J. Robinson of Minivan News a few days later of what I was seeing. 

The rest is history, to be written and rewritten, as it comes...

July 27, 2013






Wednesday 24 July 2013

A Red Letter to MP Rozeyna

`
މަގުމަތި،
ދުނިޔެމަތި
         
ދިވެހިރާއްޖޭގެ ޖުމްހޫރިއްޔާގެ ރައްޔިތުންގެ މަޖިލީހުގެ މެމްބަރ ރޮޒައިނާ އާދަމަށް،         
ވެދުން ސަލާމަށް ފަހު ދަންނަވަމެވެ.       
ކަމަނާ އާއި އަހުރެން، އާއިޝަތު ވެލެޒިނީ، މިޖައްސާ މައްސަލައަކީ ކޮބައިކަން ކަމަނާއަށް ދެކެދެނެވަޑައިނުގެންނެވި، އެކި ދުވަސްމަތީން އެކިއެކި ކުދި ޒުވާބު ޖައްސައި، މައުޟޫޢުއިން މުޅިން ބޭރުވެ ގެރިޒުވާބަށް ދާން މަސައްކަތްކޮށް، މިކަން ތަކުރާރުވާވަރުން، ކަމަނާއަށް ޙަޤީޤަތުގައިވެސް އަހުރެން މިކިޔަނީ ކީކޭކަން އެނގިވަޑައިނުގަންނަނީ ކަމުގައި އަހުރެން މިއަދު ޤަބޫލު ކުރާން މަޖްބޫރުވެއްޖެއެވެ. އަހުރެން ވަރަށް ލަދުވެސް ގެންފިއެވެ.
ކަމަނާ އަހުރެންނަށް މަޢާފްކޮށްލަ ދެއްވާށެވެ.
ކަމެއްގައި މީހަކު ޣާފިލުކަމުގައިހުއްޓައި، އެމީހަކު ޒިންމާ ނުއުފުލައޭ ބުނެ ކިތަންމެ ވަރަކަށް ކިޔަސް، ކިތަންމެ ބާރަށް ކިޔަސް، ކިތަންމެ ލޯބިން ބުނެދިނަސް، ކިތަންމެ ރުޅިން ބުންޏަސް، ކިތަންމެ ދުވަހަކު ކިޔަސް، އެ މީހަކަށް ހަމަ ނޭނގޭނެތާއެވެ.
ކުށްވެރިއަކީ އަހުރެންނެވެ. ރޮޒައިނާ އަށް ޙަޤީޤަތުގައިވެސް އެނގިވަޑައިނުގަންނަވަނީކަން އަހުރެންނަށް ނޭނގުނީއެވެ. އަހުރެންނަށް ފެނިފެނިވެސް ޤަބޫލުކުރާންދަތިވެގެން ދެނެނުގަނެވި މިހާދުވަހު ރޮޒައިނާ އަށް ބަސް ބުނެވުނީއެވެ.
ކަމަނާ އަހުރެންނަށް މަޢާފްކޮށްލަ ދެއްވާށެވެ.
ދެން ދަންނަވާލަމެވެ.
މައްސަލައަކަށް އަހުރެންނަށް ވެގެން މިއުޅެނީ؛
1.    ޤާނޫނުއަސާސީގެ 285ވަނަ މާއްދާއަށް ޖޭ.އެސް.ސީ އިން އަމަލުނުކޮށް، ޤާނޫނުއަސާސީއާއި ޚިލާފުވެ، ދިވެހިރާއްޖެއަށް ޤާނޫނުއަސާސީއިން ރައްޔިތުންނަށް ކަށަވަރުކޮށްދޭ މިނިވަންކޯޓު ރައްޔިތުންގެ ކިބައިން ނިގުޅައިގެންފިކަމަށް ރައްޔިތުންގެ މަޖިލީހަށް އަހުރެން ފެބްރުއަރީ 2010ގައި ހުށަހެޅި މައްސަލަ ތަޙްޤީޤުނުކޮށް،  ރައްޔިތުންގެ މަޖިލީހުން ރައްޔިތުންގެ މޫނަށް ކުޅުޖަހައި، ޖޭ.އެސް.ސީ މެދުވެރިކޮށް ފަނޑިޔާރުގެ ހިސޯރުކޮށްފި ކަން ރައްޔިތުންނަށް އޮޅުވާލުމުގައި އެންމެ އިސްކޮށް ހަރަކާތްތެރިވެ.4 އޯގަސްޓް 2010 ދުވަހުގެރޭ އާއްމުކޮށް ނިކުމެ މީޑިޔާގައި ދޮގު ބަސްވިދާޅުވެ، ކަނޑައެޅިގެން ސާބިތުކުރެވޭންހުރި ކަންކަމުގައި ދޮގުތައް ހެދި އެކަކީ ކަމަނާ އެވެ. ކަމަނާ އާއި އެއް ގިންތީގައި އެދުވަހު ދެން ތނިކުމެވަޑައިގެން ތިއްބެވީ މެމްބަރު އަޙްމަދު މަޙްލޫފް އާއި މެމްބަރު ރިޔާޒު ރަޝީދު އެވެ.
2.    އެހެންކަމުން، މިއަދު އެންމެން މިކިޔާ "ފަނޑިޔާރު ޢަލީ ހަމީދު" އަކީ ކަމަނާގެ އުފެއްދުމެކެވެ، ބުނެވިދާނެއެވެ. ހަމައެހެން، އެކިޔާ "ޢަބްދުﷲ ޤާޟީ" އަކީ ވެސް ހަމަ ކަމަނާގެ އުފެއްދުމެކެވެ. އެއީ ކަމަނާ ދިފާޢުކުރި ފަނޑިޔާރުންނެވެ. ލަދެއް ނުގަނޭތޯއެވެ؟
3.    ދެން ތިޔަ ވިދާޅުވާ ސިވިލް ސަރވިސް ކޮމިޝަނުގެ ރައީސް ފަހްމީ އަކީވެސް ހަމަ ކަމަނާގެ އުފެއްދުމެކެވެ. ތަފްޞީލު އަހުރެން ލިޔެފައި އެވަނީއެވެ.
ދެން މިއަދި މި ކުރައްވާކަންކަމަކީ ކޮން މާނައެއް ހުރި ކަމެއްތޯއެވެ؟ ފަނޑިޔާރުގޭ ބިންގާ ކަތިކުރުމުގައި ރޮޒައިނާގެ ސީދާ ދައުރެއް ނެތުން އެކަށީގެންވެއެވެ. އެހެންނަމަވެސް، ނޭނގިނަމަވެސް، ރައްޔިތުންނަށް މިކަންކަން އޮޅުވާލައި، އެ ބޮޑު ޚިޔާނާތް ސިއްރުކުރުމަށް އެންމެ އިސްކޮށް ނިކުމެ ހުންނެވީ ހަމަ ކަމަނާއެވެ. މުޅި ނިޒާމުގެ ބާރު ކެނޑި، ބަޣާވާތަށް ފުރުޞަތު ދެވުނީވެސް މިކަމުންނެވެ.
އަހުރެން ދެކޭގޮތުގައި މަޖިލީސް ގޮނޑީގައި އިންނަވައި ރޮޒައިނާ ކުރެއްވި ކަންކަމުން، އަދި ނުކުރެއްވި ކަންކަމުން، ޤައުމަށް ލިބިފައިމިވާ ދެމިގެންދާ ގެއްލުމަށް ރޮޒައިނާ ޒިންމާ އުފުލާންޖެހެއެވެ.
ދެން އެހެންނަމަވެސް، އަދިވެސް މައްސަލައަކީ ކޮބައިކަން ކަމަނާއަށް އެނގިވަޑައިނުގަތުމަކީވެސް ހަމައެކަށީގެންވާކަމެކެވެ. މިހެން މިދަންނަވާ ސަބަބަކީއެއްކަލަ ރިޕޯޓެވެ. މަފްހޫމް ނޭނގެންޏާ، ވާންވީ ގޮތް ނޭނގެންޏާ، ވީގޮތް އެގުނަސް އަދި ވާނެކަމެއް ނޯންނާނެތާއެވެ.
ކަމަނާ އަހުރެންނަށް މަޢާފްކޮށްލަ ދެއްވާށެވެ. ދެން އިތުރަށް، އެނގޭނީ ހަމަ ކަމަނާއަށެވެ.
މިސިޓީ ނިންމާލުމުގެކުރީން ކަމަނާގެ ކެތްގަދަ ކަމަށްޓަކައި ކަމަނާއަށް މަރުޙަބާ ދަންނަވަމެވެ. ވަރަށް ގިނަ ރައްޔިތުންގެމަޖިލީހުގެ މެމްބަރުންނަށް އަހުރެން މިދައްކާ ވާހަކަތަކުން އުނދަގޫވެއެވެ. އެ ބޭބޭފުޅުން ވެވަޑައިގެންނެވި ބޮޑު ޚިޔާނާތުގެ ވާހަކަ ދައްކާއަޑު ނޭހުމަށެވެ. ކަމަނާއާއި ގާތަށް ވެސް ރައްޔިތުންގެ މަޖިލީހުގެ މެމްބަރުންކަމުގައި މިތިއްބެވި ޢަބްދުﷲ ޝާހިދު، އަޙްމަދު މަޙްލޫފް، ރިޔާޒް ރަޝީދު ފަދަ ބޭފުޅުންގެ ކެތްގަދަކަމެއްވެސް، ކެތްތެރިކަމެއްވެސް ނެތެވެ. ކަމަނާ މިއަދުވެސް އަހުރެން ބްލޮކް ނުކޮށް ކަމަނާއަށް ދޭހަވާ މިންވަރުން ތިޔަދަނީ ޖަވާބުދީ ޒުވާބުދެމުންނެވެ. އެ ބޭފުޅުން އެތިއްބެވީ އަޑު ނޭހުމަށް ޓްވިޓަރުގައިވެސް އަހުރެން ބްލޮކް ކޮށްގެންނެވެ!
ރޮޒޭނާ އަށް މަރްޙަބާ!
عيد مبارك
24 ޖުލައި 2013
                                                                                                                              އާއިޝަތުވެލެޒިނީ
                   

Saturday 20 July 2013

ކެޗް މީ އިފް ޔޫ ކެން! އާދަނު މޮޔަވެ ވެލެޒިނީ ފަހާދުވިދުވަސް

އެއީ 2011ވަނަ އަހަރުގެ މާރޗް މަހުގެ ދުވަހެކެވެ. އެއީ ޖުޑިޝަލް ސަރވިސް ކޮމިޝަން މުރާޖަޢާކުރުމަށް އ.ދ. ގެ އެހީގައި ގެނައި ކޮންސަލްޓަންޓް ޖަސްޓިސް ޕްރޮފެސަރ މަރޭ ކެލަމް (އާދަނު ކިޔާ ނަމުންނަމަ މޭރީ) ކޮމި ޝަނުގެ އިދާރާގައި މަސައްކަތްކުރައްވާން އިންނެވި ދުވަހެކެވެ.
އެދުވަހު ހެދުނު އަހުރެން ޖުޑިޝަލް ސަރވިސް ކޮމިޝަނަށް ދިޔައީ ކޮމިޝަނުގެ ނިންމުންތައް ނުލިބޭތީ އެ ހޯދާށެވެ.
ކޮމިޝަނުގެ ނިންމުންތަކަކީ އާއްމުކޮށް ފެންނާން ހުންނާންޖެހޭ ލިޔުންތަކެކެވެ. އަދި ކޮމިޝަނުގެ ޖަލްސާތަކުގެ ޔައުމިއްޔާ އާއި ނިންމުންތައް ޤަވާޢިދުން މެމްބަރުންނަށް ފޮނުވުމަށް ޖުޑިޝަލް ސަރވިސް ކޮމިޝަނުގެ ޤާނޫނު ބުނެއެވެ. އެހެން ނަމަވެސް މިއީ ހިނގާ ކަމެއް ނޫނެވެ.
އަހުރެން ކޮމިޝަނުގެ އިދާރާއަށް ވަދެ 2010ވަނަ އަހަރުގެ ކޮމިޝަނުގެ ނިންމުންތަކުގެ މާސްޓަރފައިލް ކޮބައިތޯ ސުވާލުކުރީމެވެ. ފައިލް އިން ހަރުގަނޑު ދައްކާލީމާ އަހުރެން އެފައިލް ނަގައިގެން ފޮޓޯކޮޕީ މެޝިން ކައިރިއަށް ގޮސް ފޮޓޯކޮޕީ ނަގަން ފަށައިފީމެވެ. ފުރި ބަންޑުން ދާވަރަށް ކަރުދާސް ފައިލްގައޮތެވެ. އަހުރެން އެތާއިން ކަރުދާސްހުރި ފޮށިގަނޑެއް ކައިރިކޮށްލާ ފޮޓޯކޮޕީ ނެގެމުންދިޔަ ކަރުދާސްތައް އެފޮށްޓަށް ލާން ފަށައިފީމެވެ. އޮރިޖިނަލް މާސްޓަރފައިލްއަށެވެ.
އެ ހިސާބުން "ވެރިން" ނަށް ޚަބަރުވެ، ކޮމިޝަނުގެ ޑެޕިޔުޓީ ލީގަލް އޮފިސަރ ޢަބްދުލް ފައްތާހް ޢަބްދުލް ޣަފޫރު ނިކުމެވަޑައިގެން އަހުރެން ފަހަތު ގަ ހުއްޓި ބާރަށް ހަރުއަޑުން "ތިހެނެއް ނުހެދޭނެއޭ؛ މަނާކަމެކޭ؛ ޤާނޫނޭ، ޤަވާޢިދޭ" ކިޔާ އެއްޗެހިތަކެއް ކިޔައިފިއެވެ. އަދި އެއްވެސް މުވައްޒަފަކު އެހީވެއްޖެނަމަ ކުށްވެރިވާނެ ކަމުގެ އިންޒާރުދީފިއެވެ. ކޮމިޝަން ހުންނަނީ ބޮށު އެއް ކޮޓަރިއެވެ. ދެން ފައްތާހު ކަހަލަ ވެރިންގެ ކޮޓަރިތަކެވެ. މެމްބަރުން އިށީނދެ މަސައްކަތްކުރާނެ ޖާގައެއް ތަނެއް ނުހުރެއެވެ.
ދެން، އަހުރެންވެސް ފައްތާހުގެ ވާހަކަ އަޑުއަހާލުމަށް ހުއްޓި ހުރުމަށްފަހު، އެ ނިމުމުން އަހުރެންވެސް ވާހަކަ ފަށާ އަޑުހަރުކޮށް ޤާނޫނުއަސާސީ އާއި ޑިމޮކްރަސީގެ މަފްހޫމްތައް ކިޔައިދީ މުވައްޒަފުން ބިރުނުގަތުމަށްބުނެ ތަޤްރީރެއް މުވައްޒަފުންނަށްފީފީމެވެ.
އޭރު ފައްތާހް ފުލުހުންނަށް ގުޅާނަމޭ ކިޔާފައި އެތަނުގަ ފުލުހަކު ހުއްޓާ ފައްތާހަށް ފެނިގެން އަހުރެން ހުއްޓުވާން ފައްތާހު އޭނާއަށް އަމުރުކޮށްފިއެވެ. އަދި ތިޔައީ ފުލުހެކޭ ބުނެ، އެނާގެ ޤާނޫނީ ވާޖިބުވެސް ފައްތާހު ޤާނޫނީގޮތުން ކިޔައިދެމުންދިޔައެވެ.
އެ ފުލުހަކީ އަހުރެން ހަށިފާރަވެރިއަކަށް އެދުވަހު ހުރި ބޮޑީގާރޑެވެ. ޖެނުއަރީ 2011ގައި އަހުރެންގެ މައިބަދައަށް އަމާޒުކޮށްދިން ހަމަލާއަށް ފަހު ބޮޑީގާރޑުންނާއެކު އުޅުނު އިރު އާއްމުކޮށް ތިބެނީ އަންހެން ފުލުހުންވިއަސް އެދުވަހު ހުރީ ފިރިހެންބޮޑީ ގާރޑެކެވެ. އަހުރެން އެދުވަހު ކޮމިޝަނުތެރެއަށް އޭނާ ގޮވައިގެން ވަދެ ފޮޓޯކޮޕީ ނެގީ އޭނާ ގާތު ބަހައްޓައިގެންނެވެ.
އޭނާ އޭނާގެ މަސައްކަތުގައި ހުރީއެވެ. އަހުރެންނާ ގާތްވެ އެކަން އެކަން ހުއްޓުވާކަށް ފައްތާހަކަށް ނުކެރުނެވެ. ފައްތާހު ބުނެބުނެ އަހުރެން ހުއްޓުވާކަށް ފުލުސްމީހާ ނުގުޑިއެވެ. އަޑު އިވޭކަމެއްވެސް، ކަމެއް ފެންނަކަންވެސް މޫނުމަތިން ނުދައްކާ އެތާހުއްޓެވެ.
އަހުރެން ފޮޓޯކޮޕީ ނަގަމުން، އެތާ އެވަނީ ކީއްކަމާއި އަހުރެންމިކުރަނީ ކީއްކަމާއި ކީއްވެކަން މިކަން މިގޮތަށް ކުރަންޖެހުނީ އިނގިރޭސިން ޕްރޮފެސަރ މަރޭ އަށް ކިޔައިދެމުން ގެންދިޔައީމެވެ. ބާރަށެވެ. އޭރު ހަމަ ދިމާ ފަހަތުން މި ކުޅިވަރު ދެކި އަޑުއަހާން ޕްރޮފެސަރ މަރޭ ހައިރާންވެފައި އިންނެވުމުންނެވެ.
ފައްތާހު ހުއްޓާނުލާ މުވައްޒަފުންނަށް ކިޔައިދެއެވެ. ފައްތާހު ކިޔައިދީ ނިމޭއިރަށް އެ މަފްހޫމްތައް އަހުރެން އަލުން ކިޔައިދެމެވެ. އިހު ކިޔާ ގޮތާއި މިއަދި ކިޔާންވީގޮތެވެ. ޤާނޫނުއަސާސީ އާއި ޑިމޮކްރަސީއެވެ. ފޮޓޯކޮޕީ ނަގާ ފޮށިވެސް ދިޔައީ ފުރެމުންނެވެ.
ދެން ފައްތާހަށް ނުހުއްޓުވުމުން، ދެން ހަދާގޮތެއް ހަދަން ފައްތާހުގޮއްސިއެވެ. ވާނޭގޮތާއި ހަދާނޭގޮތާއި ލިބޭނެ އަދަބުވެސް ކިޔައިދީފައެވެ. މިހާރު އެކީހާއެއްޗެށް ސާފުކޮށް ހަނދާނެއް ނެތެވެ.
މިހުންނަނީ އޭރު ކޮމިޝަންތެރޭ މާ އައުކަމެއް ނޫންވުމުން މުވައްޒަފުން އެކަމާ މާބޮޑު ސަމާލުކަމެއްނުދީ އެމީހުންގެ މަސައްކަތުގައި ތިއްބެވެ. އަހުރެން ނަގަމުން ދިޔަ ފައިލް ކޮޕީ ނެގޭވަރަށް އިތުރު ކަރުދާސްރީމް ގެނެސްދިނެވެ. ފޮޓޯކޮޕީމެޝިނުން ފަހަރަކު ގަނޑެއް ލައްވާ ނުނަގާ އެއަށްވުރެ ފަސޭހައިން ކޮޕީ ނެގޭނެގޮތް އެކަކު ބުނެލަދިނެވެ. މިހުންނަނީ އަހުރެންނަށް އެނގޭކަންކަމެއް ނޫނެވެ.
މުޅި ފައިލް ފޮޓޯކޮޕީ ނެގުމަށްފަހު، މާސްޓަރފައިލް އަނބުރާ މުވައްޒަފުންނާ ހަވާލުކޮށް ހަމަތޯ، ތަރުތީބުތޯ، ބެލުމަށްދީފައި، ކޮޕީނެގި ކަރުދާސްތައްހުރި ފޮށިގަނޑުގައި ކޮމިޝަނުގެ ނިންމުންތައް ފިޔަވައި އެހެންލިޔުމެއްތޯ ޗެކްކޮށްލަން ފައްތާހު ވަޑައިގަތުމަށް އެދުނީމެވެ. ފައްތާހެއް ނުބެއްލެވިއެވެ. އަނެއްކާވެސް ނިކުމެ "ނުގެންދެވޭނެއޭ؛ މަނާކަމެކޭ، ޤާނޫނޭ، ފިޔަވަޅު އަޅާނަމޭ" ކިޔަންފަށައިފިއެވެ.  އަހުރެންނަކީ ޖުޑިޝަލް ސަރވިސް ކޮމިޝަނުގެ މެމްބަރެއްކަން ފައްތާހަށް ހަނދުމަކޮށްލަދީފައި ކޮޕީނެގި ކޮމިޝަނުގެ 2010ގެ ހުރިހާ ނިންމުންތައްހުރި ފޮށިގަނޑު ނަގައި ކިހިލިޖަހައިގެން އަހުރެން ހިނގައިގެންފީމެވެ.
ފައްތާހު ހަޅޭއްލަވައެވެ.
އަހުރެން ކޮމިޝަނުގެ އިދާރާއިން ބޭރަށް ނުނިކުމެ ދިޔައީ ކޮމިޝަނުގެ އެތެރޭން ވަދެވެން ހުންނަ ދޮރުން ކޮމިޝަނުގެ ޖަލްސާތައް ބާއްވާ ބޮޑު ކޮޓަރިއަށެވެ. އަހުރެންގެ ފަހަތުން އެއްކަލަ "ފުލުސްމީހާ" ވެސް އައެވެ.
އެދުވަހުވެސް، އާދައިގެމަތީން ކޮންމެ ދުވަހަކު ކަހަލަގޮތަކަށް އޮންނަ "ޢަބްދުﷲ މުޙައްމަދުގެ މައްސަލަތައްބަލާ ތަޙްޤީޤްކޮމިޓީ" ގެ ބޭފުޅުން އެތާތެރޭ މަސައްކަތުގައި ތިއްބެވިއެވެ. ކޮންމެވެސް ޔައުމިއްޔާއެއް ބޮޑު ސްކްރީން އަށް އަޅުވައި ދެބޭފުޅުން މަޝްވަރާކުރައްވައި އިމްލާ ކުށް ކަނޑުއްވަމުންދިޔަ ދުވަހެކެވެ. އޭރު އެކޮމިޓީއެއް ހިންގާތާ އެތައް މަހެއް ވެއްޖެއެވެ. ޢަބްދުﷲ މުޙައްމަދު އެއްބާރުލުން ނުދޭތީ، ދެން ދެން، ލަސްލަހުން ކުރިއަށްދަނީއެވެ. އެދުވަހު ތިއްބެވީ އަލިތަރި އިބްރާހިމް ރަޝާދު އާއި ކުރީގައި ފަނޑިޔާރަކަށް އުޅުއްވި ސައުދެވެ.
އަހުރެން އެތަނަށް ވަދެ، އެބޭފުޅުން ކަމެއް ކޮށްދެއްވާންވެއްޖެއޭ، އަހުރެން މިގެންދާ ފޮށިގަނޑުތެރޭ ކޮމިޝަނުގެ ނިންމުންތައް ފިޔަވައި ލިޔުމެއް އޮތްތޯ ބައްލަވައި މިކަމަށް ހެކިވެދެއްވާށޭ ދަންނަވައިފީމެވެ.  ކެރިވަޑައެއްނުގަތެވެ. ރަޝާދު މޫނުމަތީންވެސް ބިރުން ފިއްކަނޑައިގެން ގޮއްސިކަން ފެނެއެވެ. ދެން އަހުރެންވެސް، މޭޒުމަތީ ފޮށިގަނޑު ބަހައްޓައި މިކުރަނީ ކީއްކަން ކިޔާ އެބޭފުޅުން އަރިހު ވާހަކަ ދައްކާލަން މަޑުޖެހިލިތަނާ، ކުއްލިއަކަށް އެތެރޭންވަންނަދޮރުން ޓްވީޝްލާފައި އެވަނީ އާދަމް މުޙައްމަދެވެ!
ބާރަށް އައިސް ކުއްލިއަކަށް ދޮރު ހުޅުވާ އަހުރެންނާ ދިމާލަށް ދުއްވައިގެންފިއެވެ. ރަޝާދާއި ޞަޢުދުވެސް ސިއްސައިގެން ބަލަހައްޓަވައިގެން ތިއްބެވިއެވެ. ބިރުގެންފައެވެ. އިދާރީ މޭޒު އިންނެވި މުވައްޒަފުވެސް ހަމައެހެންނެވެ.  އާދަނު އެއްޗެހިގޮވަމުން، ނުގެންދެވޭނެއޭ ގޮވަމުން ގަޔާދިމާލަށް އައެވެ. މޭޒުވަށާއައިސް އަހުރެންނާ ހަމަވިއިރު އަހުރެން ފޮށިގަނޑުނަގާ ކިހިލި ޖަހައިފީމެވެ.
"ގެންދެވޭނެއޭ، މީ 2010 ގެ ނިންމުންތަކޭ، މިބަލާއަންނާންޖެހުނީ ނުފޮނުއްވީމައޭ، މި ގެންދަނީއޭ" ކިޔަމުން އާދަނުގެ އަތުގަ ފޮށިގަނޑު ޖުހުނަ ނުދީ ހިފައިގެން ދުއްވައިގެންފީމެވެ. އާދަނުވެސް އަހުރެން ފަހައި ދުއްވައިގެންފިއެވެ. މިހުރިހާކަމެއް ހިނގަމުންދިޔައިރު ގާތުން ދެކި ބަލާންހުރި ބޮޑީގާރޑް ވެސް ދުއްވައިގެންފިއެވެ.
އެއީ މާ ޖާގަބޮޑު ކޮޓަރިއެއްވެސް ނޫނެވެ. ބޮޑު ކޮންފަރެންސް މޭޒު ވަށާ ދެވެއެވެ. އެހެން މާބޮޑު ޖާގައެއްނެތެވެ.
އަހުރެން ނިކުންނަ ދޮރާ ދިމާލަށް ނުގޮސް ދުއްވައިގަތީ މޭޒުވަށައެވެ. އެއޮށް ބަރު ފޮށިގަނޑު ހިފައިގެންނެވެ. އާދަނު އަތަކު ނުޖެހެއެވެ. ބޮޑީގާރޑް ރަގަޅަށް ބަލަމުން، އެކަކާވެސް ގާތްނުވެ، އެއްވަރަށް ދުވެއެވެ. ރަޝާދާއި ޞަޢުދުވެސް މިކަން ބަލަން ތިބިތާ ތިއްބެވިއެވެ. އަހުރެން އެއްކޮޅަށް ދުވެފަ، އަނެއްކޮޅަށް ބުރެއްޖަހާފަ ދުވިވަރަކަށް އާދަނު ދުވެއެވެ. ފުލުސްއޮފީހަށް ގުޅަނިއްޔޭ ގުޅާނަމޭ ކިޔަމުންނެވެ. އަވަހަށް ގުޅާށޭ، އަޅުގަނޑުވެސް ބޭނުމީ މިތަނަށް ފުލުހުން އަންނާށޭ" މިކަހަލަ އެއްޗެހިތަކެއް އަހުރެންވެސް ކީމެވެ. ރެކޯރޑިންގް އެއް އޮތުމަކީ އެކަށޭގެންވާކަމެކެވެ.
މިހެން މޭޒުވަށާ ދުވެލާފައި، ދެކޮޅަކަށް ދެބުރެއް ޖަހާފައި އަހުރެން ދޮރުދޮށާ ދިމާލަށް ދާގޮތް ދައްކާލުމުން އާދަމް މުހައްމަދު ގޮސް ދޮރުގަ ލެނގި ވިއްދައިފިއެވެ. ރަގަޅަށް ދެ އަތް ފުޅާކޮށް ދޮރުބަންދުކޮށްލީއެވެ. އަހުރެން އެދިމާލަށް ދާ ވައްތަރު ދައްކާލާފައި ކުއްލިއަކަށް ފަހަތު ދޮރުން ކޮމިޝަނުގެ އިދާރާގެ ތެރެއަށް ދުއްވައިގެންފީމެވެ. ދެން ފާޚާނާ ކައިރިން ގޮސް ދާ ހިމަ މަގުން އިދާރާ އިން ބޭރަށް ނިކުންނަދޮރަށް ދުވި އިރު އާދަނު ފަހަތުން އާދެއެވެ. އެކަމު އޭރު އޭނާ އާ އަހުރެންނާ ދޭތެރޭ ބޮޑީ ގާރޑް ދުވެއެވެ.
އާދަމް މުޙައްމަދު އޭރު އުޅެނީ 2 ބޮޑީގާރޑުން ގޮވައިގެންނެވެ. އެކަމު އެދުވަހު އޭނަ އެރުޅީގަ އައި އިރު ގާތު އެކަކުވެސް ނެތެވެ. ފަހުން އެނގުނު ގޮތުގައި އެހާރުޅިގަދަވެފަހުރީ ބޮޑީގާރޑް އަށް ކުއްލިއަކަށް ނާދެވިގެން އެކަނި އަންނާންޖެހުމުން އެކަމާވެސް ރުޅިގަދަވެފަހުރިއްޔެވެ.
އާދަނު ރުޅިއައިސަ ހުރިވަރުން ނުވިސްނުނީ ތޯއްޗެކެވެ. އޭރު  އާދަނު ބަންދުކޮށް ހިފަހައްޓައިގެން ހުރި ދޮރުން އޭނާ ނިކުތްނަމަ ނިކުމެވޭނީ އަހުރެންނަށް ނިކުމެވޭން ދެންހުރި ދޮރު ކުރިމައްޗަށެވެ. ކުރިބައްދާ ހުރަސްއެޅުނީހެވެ. އެހެންނަމަވެސް ފަހަތުން އައުމުން އޭނާ އަތުނުޖެހި އަހުރެންނަށް ގޮސް ބޭރަށް ނިކުމެވިއްޖެއެވެ.
މަނާކަމެކޭ، މަނާކަމެކޭ، މަނާކަމެކޭ، ހުއްޓުވާށޭ، އާދަނު އަޑުގެކޮޅަށް ގޮވައެވެ. އެކަކަށްވެސް ގާތްވާކަށް ނުކެރުނެވެ.
އަހުރެން ދުވެފަ ނިކުމެ ސިޑިންދުވެ ފައިބާ ހުއްޓުނީ ތީމުގޭ ބިއްދޮށުފަރާތު ކޮމިޝަން ހުރި އިމާރާތުން ނިކުމެވުމުންނެވެ. ގޯތި ތެރޭގައެވެ. އާދަނެއް ފައްތާހެއް ފަހަތަކުން ނުފައިބައެވެ. އެތާ ބިންމަތީ ފޮށިގަނޑު ބައިދާފައި، އެތާތިބި ސެކިޔުރިޓީ އާއި ދެންވެސް އުޅޭ އެކިއެކި މުވައްޒަފުންނަށް ގޮވާލައި ބަލްވާށޭ މިފޮށިގަނޑުގަ މިހުރީ ހުސް ނިންމުން ނޫންހޭ ކިޔާ ދައްކާލީމެވެ. ބައެއް މީހުން ގާތްވެ ބަލާލިއެވެ.
ދެން އަހުރެން، ނޭވާ ހަމައަކަށް އެޅުމުން، ފޮށިގަނޑު ނަގާ ކިހިލި ޖަހާލައިގެން ނިކުމެއްޖައީމެވެ. އެކުގައި ބޮޑީގާރޑް ހުއްޓެވެ. އެ ނިކުމެގެން އަހުރެން ދިޔައީ ސީގަލްއަށެވެ. އެތަނަށްގޮސް ކެމެރާއަށް އަރާ މޭޒެއްގަ ފޮށިގަނޑު ހިފަހައްޓައިގެން އިނދެ، ދެ މީހުންނަށް ދެ ލެމަންޖޫސް ގެނެސް ބޮއިގެން، ވިސްނާލާފައި އަހުރެން ނިންމީ އަހުރެންމައްޗަށް ތުހުމަތެއް ކުރުމަށް އެއްވެސް ފުރުޞަތެއް ނުދިނުމަށްޓަކައި އެ ފޮށިގަނޑު ހިފައިގެން ފުރަތަމަ ފުލުސްއޮފީހަށް ދާށެވެ.
ދެން އަނެއްކާވެސް އެއްކަލަ ބަރު ފޮށިގަނޑު ކިހިލި ޖަހާ ހިނގައިގެންފީމެވެ. އެކުގައި ބޮޑީގާރޑް ހުއްޓެވެ. ބޭފުޅާ ހެކިވަމު ނޫންހޭ، މި ހިފައިގެން އަހުރެން ތާކަށް އަދި ނުދަމޭ، މިހުރީ ނެރުނު އެއްޗެހި ހުރިގޮތަށްނޫނެހޭ، ހެކިވައްޗޭ، ކިޔަމުން އަހުރެން ދިޔައީ ޝަހީދު ހުސައިން އާދަމް ބިލްޑިންގްގަ ހުންނަ ފުލުހުންގެ މައި މަރުކަޒަށެވެ. އެތަނަށް ގޮސް، ބޮޑުތަކުރުފާނުމަގަށް ހުންނަ ދޮރުން ވަދެ، ކައުންޓަރަށް ގޮސް، އަޅުގަނޑު މިއައީ މި ފޮށިގަނޑުގަ ހުރީ ކޮން އެއްޗެއްކަން ތިޔަބޭފުޅުންނަށް ދައްކާލަންށޭ، މި ބައްލަވާލައްވާށޭ، ބުނެފީމެވެ.
ކައުންޓަރަށް ހަދާނެގޮތް ނޭނގި، އެތެރެ އާ ގުޅައި އެތެރެއިން "ބޮޑުމީހުން" ނިކުމެ، ގޮވާލުމުން އެތާ ތަހްޤީޤްކުރާ ކޮޓަރިއަކަށް ފޮށިގަނޑު ހިފައިގެން ވަދެ، އަހުރެން އެދޭކަންތައް ދަންނަވައިފީމެވެ. އަހުރެން ވައްކަންކޮށްފިއޭބުނެ ޖުޑިޝަލް ސަރވިސް ކޮމިޝަނުން މައްސަލަ ފޮނުވުމުގެކުރީން އަޅުގަނޑު މިއައީ އެބުނާ އެއްޗެހި ދައްކާލާށޭ، މި ފޮށިގަނޑު މިހުރީ ނެރުނުގޮތަށްކަން ބޮޑީގާރޑަށް އެނގޭނެއޭ، މި ފޮށިގަނޑުގައި ކޮމިޝަނުގެ ނިންމުންތައް ފިޔަވައި އެހެން ލިޔުމެއް ވިޔަސް އެއްވެސް އެއްޗެއް އޮތްތޯ ބައްލަވާލަދެއްވާށޭ ދަންނަވައިފީމެވެ.
ކޮންމެއަކަސް، އެއީ ފުލުހުންނަށް ކޮށްދެވޭނެ ކަމެއް ނޫންކަމުގައި ބުނެފިއެވެ. އެކިގޮތަގޮތަށް ބުނެވެސް ވާން ނެތް ކަމެއް ކަމަށް ބުނުމުން، ދެން އެހެންވިއްޔާ ތިޔަބޭފުޅުންގެ މިއަދުގެ ލޮގްފޮތުގައި ކޮމިޝަނު މެމްބަރު ވެލެޒިނީ މިއަދި މިވެނި އިރަކު ފުލުސްއޮފީހަށް އައިސް މިކަހަލަ ކަމަކަށް އެދުނު ވާހަކަ ނޯޓް ކޮށްލަދެވިދާނެހޭ، އެ ވަރުކޮށްލަދެއްވާށޭ ކިޔާ ފޮށިގަނޑު ހިފައިގެން އަހުރެންދިޔައީއެވެ.
އެވަރެއް އަރާ ޖުޑިޝަލް ސަރވިސް ކޮމިޝަނުގެ ނިންމުންތައް 2010 ފޮރުވަން އެދުވަނީ ކީއްވެ ހެއްޔެވެ؟ އެނގޭނީ އެލިޔުންތައް ބަލާ ކިޔާލި މީހަކަށެވެ.
(ނިމުނީ)


Saturday 6 July 2013

ޢަލީ ހަމީދު އަހުރެންނާއި ރަށްޓެހިވުމާއި، ރުޅިވެ ދުވެފިލުން

ޢަލީ ހަމީދު އަހުރެންނާއި ރަށްޓެހިވިއެވެ. ވަރަށްބޮޑަށް ރަށްޓެހިވިއެވެ. މިކަމެއް ހިނގަނީ، އަހުރެން ހަނދާންވާގޮތުގައި 2009ވަނަ އަހަރު ފަހުކޮޅުއެވެ. އެއީ ޖުޑިޝަލް ސަރވިސް ކޮމިޝަނަށް ރައީސުލްޖުމްހޫރިއްޔާ ކަނޑައެޅުއްވި މެމްބަރުގެ ގޮތުން އަހުރެން މަސައްކަތްކުރަންފެށިތާ ކުޑަދުވަސްކޮޅެއްފަހެވެ. ކުރިން ހިނގަމުން އައި ހ. ސަންލީޓް އިން ކޮމިޝަން ގެ އިދާރާ ތީމުގޭ ވަލުދޮރާށްޓަށް ބަދަލުވެ، އޭރު ހައިކޯޓް ފަނޑިޔާރަކަށް ހުންނެވި އަލީ ހަމީދު އާއ އަހުރެންނާ ބައެއް ފަހަރު އެ ދޮރޯށިން ވަދެ ނިކުތުމުގައި ބައްދަލުވެއެވެ. ހައިކޯޓުވެސް ތީމުގޭ ވަލުދޮރޯށީގައި ހުރުމުންނެވެ.
ކޮންމެއަކަސް، އަލީ ހަމީދު އަހުރެންގެ ބެސްޓްފްރެންޑް މެދުވެރިކޮށް އޭނާ އަހުރެންނާ ބައްދަލުވާން ބޭނުންވާ ވާހަކަ ބުނެ، ކޮފީ އެއްގައި ބައިވެރިވެލާން ދިއުމަށް ދައުވަތު ދިނެވެ. އެވަގުތު އަހުރެންނާއި ބެސްޓްފްރެންޑް ތިބީ ކޮފީއެއްގައި ކަމަށްވުމުން ދެވޭގޮތެއްނުވިއެވެ. އެހެންނަމަވެސް، ފޯނުން ވާހަކަ ދައްކާލާ ދެން ރަށްޓެހިވީއެވެ.
ދެން އަލީ ހަމީދު އާއި ދިމާވި ދުވަހު މިއޮތީ ރަށްޓެހިވެނިމިފައެވެ. މާރަގަޅަކަށް ކޮންތާކުންކަމެއް މިވަގުތަކު ހަނދާނެއްނެތެވެ. ހަނދާންހުރީ އަހުރެން ފެނުމާއެކު އަލީ ހަމީދު އުފަލުން ދުވެފައި އައި ގޮތެވެ. އަހުރެން އަޖައިބުކޮށްލި ހަލުވިކަމެއްގައި ދުވެ އައިސް، ގާތްކަމާއި އެކުވެރިކަމުގެ ސަލާމަކުން އަހުރެންގެ ކޮނޑުގައި ޖަހާލި އިރު އަލީ ހަމީދުވެސް އޭނާގެ ބަރުމިނާއި އަހުރެންގެ ސައިޒް ހަނދާނެއް ނެތެވެ! ދެތިން ދުވަހަކު ތަދު ހުށްޓެވެ! J
ކޮންމެއަކަސް އަލީ ހަމީދު އާއި އަހުރެންނާ ރަށްޓެހިވީއެވެ.
ދެން، މި ރަށްޓެހިކަމުގައި އުޅެ، އަދި ވަގުތު ދިމާނުވެގެން ކޮފީއަކަށް ދިމާނުވެވިގެން އުޅެނިކޮށް، މާ ބޮޑު ކަމެއް ލައިގެންފިއެވެ. އެއްކަލަ އަލީ ހަމީދު ވިޔާނުދާކަމެއްކޮށްލީއެވެ.
ފަނޑިޔާރެއްގެ ކިބައިގައި ހުންނާންވާ އަޚްލާޤް އަލީ ހަމީދުގެ ކިބައިގައި ނެތްކަން، އޭނާ އަމިއްލައަށް އާއްމުކޮށް އިއުލާންކުރީއެވެ. ހައިކޯޓުގެ މައްޗަށާއި ޢަދުލް އިންސާފުގެ ނިޒާމަށް ރައްޔިތުންގެ އިތުބާރު ކަނޑާލީއެވެ. މިކިޔަނީ، އަލީ ހަމީދު އަމިއްލައަށް ސޮއިކޮށް، ހައިކޯޓުގެ ތައްގަނޑު ޤާނޫނާއި ޚިލާފަށް ބޭނުންކޮށް އެތައްގަނޑު ޖަހައި، ހައިކޯޓުގެ 5 ފަނޑިޔާރުންގެ ތެރެއިން އެހެން 2 ފަނޑިޔާރަކާއި ބައިވެރިވެ 21 ޖެނުއަރީ 2010 ގައި ނެރުނު އާއްމު ޤަރާރުގެ ވާހަކައެވެ.  އަހުރެންނަށް ފެނުނު ގޮތުގައި އެއީ ޑިމޮކްރަސީގެ ހަމަތައް މުގުރާލައި، މި ޤާނޫނުއަސާސީގެ ބާރުކަނޑާލި މިޔުޓިނީ އެކެވެ. ހައިކޯޓުގެ 5 ފަނޑިޔާރުންގެ ތެރެއިން 3 މީހަކު ބައިހަދައި ޤާނޫނުއަސާސީއާއި ޤާނޫނުއަސާސީއިން ނަގަހައްޓާ ހަމަތަކާއި މުޅީން ޚިލާފަށް ހިންގި އަމަލެކެވެ. ދަށު ދަރަޖައިގެ އަމަލެކެވެ. އެދުވަސްފަހަނައަޅައި ގޮސް، މިހާރު ފަހުން މިފެނުނުގޮތުގައި، އެއީ ޤާނޫނުއަސާސީއާއި ދެކޮޅަށް، ވަރިކަން ބަދަލުވެ، ވެރިކަމުގެ ނިޒާމު ފުށުންޖަހައި އައު ޑިމޮކްރަޓިކް ވަރިކަމުގެ ނިޒާމު ޤާއިމުކުރުމާއި ދެކޮޅަށް ދައުލަތުގެ އެކި މުއައްސަސާތަކުގެ ތެރޭ ހިންގި މިޔުޓީނީ ތަކުގެތެރެއިން ފުރަތަމަ މިޔުޓިނީއެވެ. އެކަމުގެ ފަހަތުގައިވެސް ބަޔަކު ތިބެގެންނެވެ. އަހުރެންނަށް ފެންނާންހުރިގޮތުގައި، 7 ފެބްރުއަރީ 2012ގައި ކުރި ބަޣާވާތް ކާމިޔާބުކުރީ 2008ން ފެށިގެން އަޅަމުންދިޔަ ކުދި ފިޔަވަޅުތަކަކުންނެވެ. އެކި ދިމާލުން ހިންގި މިޔުޓިނީ ތަކަކުންނެވެ.
ކޮންމެއަކަސް އެދުވަހު، 21 ޖެނުއަރީ 2010ގައި، ހައިކޯޓު 3 ފަނޑިޔާރުންގެ އާއްމު ޤަރާރަކުން ޤާނޫނުއަސާސީގެ ދަށުން ފަނޑިޔާރެއްގެ ކިބައިން ފެނިގެންނުވާނެ ހުރިހާ ސިފައެއް އޭރު ހައިކޯޓުގެ އިސްފަނޑިޔާރު ކަމުގައިހުރި އަލްއުސްތާޛު ޢަބްދުލްޣަނީ މުޙައްމަދު ކިބައިގައިހުރެ އޭނާ ހައިކޯޓުން ޖުޑިޝަލް ސަރވިސް މެމްބަރުކަމުން ވަކިކޮށްފީމޭ ބުނެ އިއުލާން ކުރުމުން، އެ ހިނދުން އެހިނދަށް، ޢަބްދުލްޣަނީ ވަކިވެއްޖެއެވެ! އޭރު ޢަބްދުލް ޣަނީ ހުރީ ކޮމިޝަނުގެ ރައީސްކަމުގެ މަޤާމުގައެވެ. ނައިބު ރައީސްއަކީ މުޖުތާޛު ފަހްމީއެވެ. ކޮމިޝަނުގެ ކުރިމަތީ އޮތީ ޤާނޫނުއަސާސީގެ 285ވަނަ މާއްދާގެ ދަށުން ފަނޑިޔާރުން ސްކްރީންކޮށް އައު ފަނޑިޔާރުގެ ޤާޢިމުކުރުމުގެ މަސައްކަތެވެ. މުޖުތާޛު ފަހްމީ ގެ ދެކޮޅު ހެދުމުގެ ސަބަބުން ޢަބްދުލްޣަނީ އަށް  މިކަން ކުރާން އެޖެންޑާ ނުކުރެވި އުޅޭތާ އެތައް މަހެކެވެ.
ކޮމިޝަނުގެތެރޭގައި އެދުވަހު ހައިކޯޓުގެ ޤަރާރު މައްސަލަ ވަރަށް ހޫނުވިއެވެ. ކޮމިޝަނުގެ ޤަވާޢިދެއް ޤާނޫނެއް ޢުޞޫލެއް މިކަމަކު ނުހިނގިއެވެ. ރިޔާސަތާއި ހަވާލުވި އޭރުގެ އިންތިޤާލީ ސުޕްރީމްކޯޓުގެ ފަނޑިޔާރު މުޖުތާޛް ފަހްމީ  ގެ ރައުޔުއަކަށްވީ "ހައިކޯޓުގެ 3 ފަނޑިޔާރުންގެ އަޚްލާޤީ މައްސަލައެއް ބަލަން އުޅުމަކީ ޤައުމީ ސަލާމަތަށް ނުރައްކާވާނެކަމެއް" ކަމަށެވެ. ކޮމިޝަނުގައި ފުރަތަމަ އަޑުގަދަވެ ޒުވާބު ހިނގި ދުވަހެވެ.
އެދުވަހުގެ އެޖަލްސާ ނިމިގެން އަހުރެން ނިކުންނަނިކޮށް އެއްކަލަ އަލީ ހަމީދު އަށް ފެނިއްޖެއެވެ. އަހުރެންނަށް ބަލާލެވުނު އިރު، ތީމުގޭ ގޯތިތެރެއިން ހެވި ދިލިފަ ސައިކަލުގައި ދޮރޯއްޓާއި ދިމާލަށް އެބައާދެއެވެ. އަހުރެންނަށް އަލީ ހަމީދު އެދުވަހު ފެނުމުން ވަގުތުން އަނބުރާލާފައި ގޮސް އެތާހުންނަ "ގާރޑް އޮފީސް" ބިއްދޮށުގައި ފިލައިފީމެވެ. އަދި އަހުރެންގެ ކުއްލި ހަރަކާތުން އެތާހުރި ކޮންމެވެސް މީހަކު "ކިހިނެއްވީތޯ" ސުވާލުކޮށްލުމުން، "މިއަދު އަލީ ހަމީދު އަށް އަހުރެން ބުނާންއޮތްއެތި ނުބުނާންވެގެން، އަނގައިން ބުނެފިއްޔާ ބުނެވިދާނެތީ ދުރަށް ޖެހިލީ" ކަމުގައި ބުނީމެވެ. އަހުރެން ޖަވާބުދިނީ ވަރަށް ބާރަށް އަލީހަމީދަށް އަޑުއިވެންޏާ އިވޭވަރަށެވެ. ކޮންމެއަކަށް އެއްކަލަ އަލީހަމީދުއަކަށް އަހުރެންނަށް ގޮވާލާކަށްވެސް ނުކެރުނެވެ. އަވަހަށް އެތަނުން ގޮއްސިއެވެ.
އެދުވަހަށްފަހު އަލީ ހަމީދު ގެއްލިއްޖެއެވެ.
ދެން ވާންފެށިގޮތަކީ އަލީހަމީދު އަހުރެން ފެންނަ އިރަށް ފިލަން ދުވާން ފެށީއެވެ.  ޢަބްދުﷲ ސަޢީދު އާއި އަހުރެންނާއި ބަދަހިވެފައިވާ ގާތް ރަށްޓެހިކަންވެސް ގެއްލުނީ އެދުވަހުއެވެ. 21 ޖެނުއަރީ 2010އެވެ.
އެ ދުވަހަށްފަހު އަލީ ހަމީދު އަހުރެންނަށް ފުރަތަމަ ފެނުނީ އަނެއްކާވެސް އެއް ދުވަހަކު އަހުރެން ކޮމިޝަނުން ނިކުތްތަނާއެވެ. އެދުވަހު އަހުރެން ތީމުގޭ ވަލުދޮރޯށިން މަގުމައްޗަށް ނިކުތްއިރު އަލީހަމީދު ސައިކަލުގައި އާދެއެވެ. ދެންވީ މާ އަޖައިބުކަމެކެވެ. އަލީ ހަމީދަށް އަހުރެން ފެނުމާއެކު، ކުއްލިއަކަށް ތެޅިގެންފައި، ސައިކަލު އަނބުރާލާފައި މަގުން އައިކޮޅަށް ދުއްވާލައިފިއެވެ. އެއީ ވަން-ވޭ މަގެއްގެ ނުބައިކޮށެވެ. އަހުރެންގާތަށް އައީ ހިންޏެވެ. އޭނާގެ އަމަލުން އޭނާއަކީ ކުށްވެރިއެއްކަން އޭނާ އަހުރެންނަށް ކުޑަވެސް ޟައްކެއްނެތް މިންވަރަށް އަންގާލަދިނުމުންނެވެ.
އަނެއްކާވެސް ދުވަސްތަކަކަށްފަހު، އެއްކަލަ ބޮޑު ދޮގުހުވާ ގެ ވެސް ފަހުން، ދެން އަހުރެންނަށް އަލީ ހަމީދު ފެނުނީ ހޮނިހިރު ދުވަހެއްގެ ހެނދުނު ފެންޓަސީ ސްޓޯރ ގެ ތެރެއިންނެވެ. އަހުރެން ފެންޓަސީ ސްޓޯރަށް ވަންއިރު އެތަނުގައި މުޙައްމަދު ޝިހާބު ހުންނެވިއެވެ. އާއިލާ އާއެކު ބާޒާރުކުރައްވަން ވަޑައިގެންނެވެ. މަޑުލު މުޙައްމަދު ވަހީދުވެސް އުޅުއްވިއެވެ. ކޮންމެއަކަށް މި ބޭފުޅުންނާ ސަލާމްކޮށްލާފައި، އަހުރެން ބޭނުން އެއްޗެހި ހިފައިގެން ކައުންޓަރ ކައިރިއަށް ގޮސް ހުއްޓި ކިޔޫގައި ހުއްޓައި އެދިމާ ބިއްދޮށު ހަރުގަނޑެއްގެ ބިއްދޮށުން މީހަކު ސިއްރިސިއްރުން ބޯދިއްކޮށް ބަލާލާފައި ފިލައިފިއެވެ. ކުޑަ ކުއްޖަކު ފެންނާން ހުއްޓެވެ. އަހުރެން ކުޑަކޮށް ފަހަތަށް ޖެހިލައި، ކިޔޫ އިން ބޭރުވެ އެތާ ހަރުގަނޑުގައި ހުރި އެއްޗެހި ބަލަން ހުއްޓާ އަނެއްކާވެސް ބޯދިއްކޮށް ބަލާލައިފިއެވެ. މިފަހަރު އަހުރެންނަށް ރަގަޅަށް ފެނިއްޖެއެވެ. އަސްތާ! އެއްކަލަ ޢަލީ ހަމީދުއެވެ!
އަނެއްކަންތަކާ ޖެހުނީއެވެ. އަހުރެން މިހުރީ ފެންޓަސީ ސްޓޯރ ޕޭމަންޓް ކައުންޓަރ ތައް ކައިރީއެވެ. ސުޕްރީމްކޯޓުގެ ފަނޑިޔާރު މިއޮންނެވީ ފެންޓަސީ ސްޓޯރުގެ ހަރުގަނޑެއް ބިއްދޮށުގައި ބޮނދާ، ފިލައެވެ. އަހުރެންނާ ދިމާވެދާނެތީ ގަންނާކުރެއްވިބިރުން އޭނާއަށް ނިކުންނާން ނުކެރިފައެވެ!
އަހުރެން، އެ ހިސާބުން ފެށީ ފެންޓަސީ ސްޓޯރުގެ މަގުމައްޗާއި ދިމާލަށް ހުރި ހަރުގަނޑުތައް ރަގަޅަށް ބަލާލާށެވެ. ދޭތެރެއަކުން އެއްކަލަ ބޯ ބިއްދޮށުން ދިއްކޮއްލައެވެ. އަހުރެން ފެންނަ ކަމަކަށް ނުހަދަމެވެ. ކޮންމެއަކަސް މިގޮތަށް ހަރުގަނޑުތައް ބަލާލަން ގާތްގަނޑަކަށް ފަނަރަވަރަކަށް މިނެއްޓު އެނބުރިލާފައި އަހުރެން ނިކުމެގެން ގޮއްސީމެވެ.  އަލީހަމީދު އާއި އެކު ހުރި ކުޑަކުއްޖާ ހުރީ ގެޔަށް ދާންވެފަކަން ފެނި، އޭނާ އަށް ހަމްދަރްދީވެ، ދެން އިތުރަށް އަލީހަމީދު ހިސޯރުކޮށް ހުންނާން އަހުރެންނަށް ކެތްނުވީއެވެ.
އަދި މިކަހަލަ ކިތަންމެ ވާހަކައެއް އެބަހުއްޓެވެ. މިއީ ކުޑަކުޑަ ވާހަކައެކެވެ. މުޅި ދިވެހި ޤައުމު ޢަލީ ހަމީދުގެ ނަން ކިޔަމުންދާއިރު، އަހުރެންނާ ދިމާވި ޢަލީ ހަމީދުގެ ވާހަކައެއް މިވަގުތަށް ކިޔާލަދިނީއެވެ.

(ނިމުނީ)